Naslovna Najnovije Vježbe na kopnu i u moru: Preko 100 aviona oko Tajvana

Vježbe na kopnu i u moru: Preko 100 aviona oko Tajvana

0

Vojne vježbe Kine na šest lokacija oko Tajvana, koje su pokrenute nakon dolaska Nensi Pelosi u Tajvani, u punom su jeku, a i jedna i druga strana objavile su vojne aktivnosti.

Državni mediji u Kini objavili su kako armija ove države preduzima aktivnosti na moru, ali i u vazduhu kod Tajvana gdje će se postaviti kontrola do završetka gađanja ciljeva projektilima.

Kineski CGTN objavio je i videosnimak gdje se navodi kako je kineska armija izvela vježbe gađanja balističkim projektilima te da su rakete precizno pogodile mete u blizini istočne obale Tajvana.

„Vjerujem da je vrijeme vježbi došlo u skladu s međunarodnim normama. Ovogodišnje vježbe se razlikuju od onih koje se održavaju proteklih godina jer pokrivaju veće područje, bliže su Tajvanu i uključuju više vojnih elemenata“, rekao je kineski profesor na Univerzitu nacionalne odbrane Meng Xiangqing.

Kada je riječ o aktivnostima u vazduhu, Kineska narodnooslobodilačka armija saopštila je kako je rasporedila više od 100 borbenih aviona, bombardera i drugih tipova ratnih aviona u sjeverni, jugozapadni i jugistočni zračni prostor kod Tajvana.

(Agencije  Foto:Screenshot/CGTN)